ՄԵՐ ՄԱՍԻՆ

«ԿԱԹԻԼ» բարեգործական հիմնադրամ

«ԿԱԹԻԼ» բարեգործական հիմնադրամը ղեկավարում է Կարինե Մխիթարյանը, ով 2011թ.-ից իրականացնում է Հայաստանի և Արցախի շաքարային դիաբետ ունեցող երեխաների կյանքի որակի բարելավմանն ուղղված բարեգործական ծրագրեր:
Հիմնադրամի հոգաբարձուների խորհրդի անդամներն են Ելենա Աղաջանովան («Մուրացան» համալսարանական հիվանդանոցի էնդոկրինոլոգիական կլինիկայի ղեկավար, Հանրապետական մանկական դիսպանսերի ղեկավար, ԵՊԲՀ էնդոկրինոլոգիայի ամբիոնի վարիչ) և Գայանե Բայբուրդյանը («Մուրացան» համալսարանական հիվանդանոցի էնդոկրինոլոգիական կլինիկայի ներզատաբան, Հանրապետական մանկական դիսպանսերի ներզատաբան, ԵՊԲՀ էնդոկրինոլոգիայի ամբիոնի դասախոս)
Հիմնադրամն այսօր իրականացնում է ծրագրեր՝ համաձայն իր առաքելության:

Մեր տեսլականն է նպաստել՝

Հայաստանում քաղաքացիական հասարակության ձևավորմանը և ուժեղացմանը
Հայաստանի բնակչության կյանքի որակի բարելավմանը
Առողջապահական, սոցիալական, տնտեսական, իրավական և գիտակրթական ոլորտներում մասնագետների պատրաստմանը և վերաորակավորմանը

ԾՐԱԳՐԵՐ

Ամառային ճամբար

Յուրաքանչյուր տարի Հայաստանի և Արցախի շաքարային դիաբետ ունեցող 35 երեխա մասնակցում են միշաբաթյա ճամբարի՝ բուժանձնակազմի հսկողությամբ, հատուկ սննդակարգով, ուսուցողական հատուկ ծրագրով: Ծրագիրն օգնում է երեխաներին ավելի լավ ճանաչել հիվանդությունը, լիարժեք կատարել հիվանդության վերահսկողություն, դառնալ ավելի ինքնավստահ ու ինքնուրույն:

Բուժպարագաների տրամադրում

Հայաստանի և Արցախի շաքարային դիաբետ ունեցող երեխաներից ավելի կարիքավորներին (համաձայն հաստատված չափորոշիչների) տրամադրում ենք գլյուկոմետրի թեստ-երիզներ, ծակիչներ, ինսուլինային գրիչ-ներարկիչներ: Բուժպարագաների անհրաժեշտ քանակն օգնում է նրանց տնային պայմաններում պատշաճ վերահսկել հիվանդությունը, խուսափել հետագա բարդություններից, անդառնալի հետևանքներից:

Հոգեբանական աջակցություն

Տրամադրվում է խմբային և անհատական աջակցություն թե՛ երեխաներին, թե՛ նրանց ծնողներին կամ մոտ հարազատներին:

Շահերի պաշտպանություն

ՀՀ առողջապահության նախարարության, ՀՀ աշխատանքի և սոցիալական հարցերի նախարարության, ՏԻՄ –ների հետ ակտիվ երկխոսության արդյունքում ընդունվում են նոր ծրագրեր, կատարվում են բարեփոխումներ՝ բարելավելու շաքարային դիաբետ ունեցող երեխաների կյանքի որակը: Ձեռնարկվում են միջոցառումներ հասարակության իրազեկվածության մակարդակը բարձրացնելու համար: Առանձին դեպքերում տրվում է արագ արձագանք և լուծում, ըստ կարիքի գնահատման:

Ժամանց և իրազեկվածության բարձրացում

Կազմակերպում ենք տարբեր միջոցառումներ հիշարժան օրերի, տոների կապակցությամբ՝ ներգրավելով թե՛ շաքարային դիաբետ ունեցող երեխաներին, թե՛ նրանց ծնողներին, թե՛ հյուրերի:

Դասընթացներ բուժքույրերի համար

Շաքարային դիաբետ ունեցող երեխաների կյանքի որակի բարելավման նպատակով իրականացվում է տեսական և գործնական դասընթաց «Ի՞նչ է Տիպ 1 շաքարային դիաբետը և առաջին բուժօգնություն» թեմայով՝ նախատեսված հանրակրթական ուսումնական հաստատություններում աշխատող բուժքույրերի համար: Տրվում է ՇՄԶ կրեդիտներ ՀՀ ԱՆ կողմից:

բարերարներ